其實咩係回魂你又知唔知呢?
人身有三魂六魄,死後魂魄離身,魂從上升,魄從下降,而魄下降深者入地一丈八尺,淺者九尺。呢個就係回煞。根據天乾地支而計算,如甲子日即謂一丈八尺,當魄下降至一定限度後,就隨即上升,每天上升一尺,如入地一丈八尺,則十八天,就回到地面, 稱為回魂。

回魂時間又係點計㗎?
回魂時間係由喃嘸師傅利用先人死亡日期、時間計算出嚟。

回魂後要點處理?
回魂後嘅清早,家屬就可以掉走所有為先人準備嘅回魂物品,一般在棄掉前,都會仔細睇下回魂食物有冇郁過,意思係檢查一下先人有冇返過嚟。